كيفية اختيار واقي الشمس

بما نحنا بالصيف واغلبنا مابنعرف نختار الواقي الصح لبشرتنا

حبيت افيدكم اليوم بهالموضوع

بس قبل بدي اعرفكم ع انواع البشرة وبعدها اكتب المناسب لكل منها

١)البشرة العادية

ملمسها ناعم خالية من الحبوب والبقع واو اي مشاكل يعني لاهي جافة ولا هي دهنية

٢)البشرة الجافة

هلا هاي من اسمها جافة يعني افراز الدهون فيها تحت المستوى الطبيعي ملمسها بكون فيه خشونة عرضة للتقشير اكتر من غيرها ومابكون فيها نضارة طبعا هاد النوع من اكثر الانواع الي بحتاج ترطيب

٣) الحساسة

هاي البشرة بتكون سريعة الاحمرار والتهيج ومش اغلب المنتجات بتناسبها وممكن تتحسس من اي شي وبتكون كتير رقيقة

٤)المختلطة

هاي جزء منها بكون جاف وجزء بكون دهني

مثلا منطقة الانف والجبين والذقن بكونو دهنيات

اما الباقي بكون جاف

٥) الدهنية

البشرة يلي بتكون مساماتها واسعة وفيها لمعان واضع بسبب زيادة افراز الدهون

معرضة للحبوب اكثر من غيرها

ووقت تصحي من النوم بتلاقي اللمعان واضح

طيب انا هلا عرفت نوع بشرتي كيف ممكن اختار واقي الشمس المناسب

هلا لو نلاحظ ع واقيات الشمس بكون مكتوب cream emulsion fluid وغيرو من الكلام

طبعا هدول هم الكلمات المفتاحية للي بناسب بشرتي

نجي اول شي للبشرة الدهنية والمختلطة

لازم يكون المنتج اما

Aquafluid

Fluid

Lotion

Gel

البشرة العادية يكون المنتج كريم (cream) خالي من الزيوت (oil free) مع مرطب

البشرة الحساسة

كريم (cream ) مع فيتامين E مثلا او بكونو كاتبين عليه انه مخصص للبشرة الحساسة

البشرة الجافة اكتر شي بزبط لالها كريم (cream) او لوشن (lotion )

هلا من اكتر المنتجات صراحة الي بحبها وبفضلها

Uriage

Bioderma بس بدنا ننتبه انه في صنف مزور نزل بالسوق ولحتى اتاكد انه اصلي اتاكد من ختم النقابة ع التسعيرة عليه

Vichy

Avene

La roche posay

Isis

Bionnex